skip to content

У кватэры, дзе некалі...

У кватэры, дзе некалі
Нечае сэрца
Распалася на
Элементарныя часцінкі,
Пасяліліся іншыя людзі.
Адчуваюць няўтульнасць,
Як садзяцца вячэраць,
Адчуваюць стамлёнасць,
Як збіраюць абедаць,
Сняць трывожныя сны...
Ну адкуль жа ім ведаць,
Што ў гэтай кватэры
I вокны, і дзверы,
I сцены, і мэбля,
Падлога і столь
Выпраменьваюць боль
Няшчаснага сэрца.

Вольга Ласаева